Saturday, January 26, 2008

رجوع مختلف


بجد وحشنى البلوج اوى
ووحشتنى الكتابة جدا
عارفة انى اتاخرت كتير اوى
بس انا رجعت بقالى فترة
لكن مش عارفه ابدأ ازاى
ولا اتكلم عن ايه
ولا حتى هاقول ايه
برغم ان فى حاجات كتير كنت عايزة اكتبها
واتكلم عنها
حصلت ومازالت بتحصل
بس يمكن تفسيرى لغيابى الفترة اللى فاتت دى
وانى مبقتش اكتب زى الاول
ان الاحداث كانت ورا بعضها
وانا بقى كنت بحب اعيش كل لحظة فى الحدث ده
واديها حقها... سبت لنفسى المجال انى اعيش كل حاجة
واكتشتفت حاجة جديدة
انى لما بكون مبسوطة اووووى
مش بعرف اتكلم
ولا اكتب
يمكن الواحد لما بيبقى مضايق
بيحاول ينفث عن خنقته بالكتابة
لكن وهو سعيد ممكن يكتفى بكلمة واحدة
او كلمتين على الاقل او مايتكلمش اصلا
وده اللى عملته
اعتقد ان الفترة اللى فاتت ناس ممكن تقلق وتقول انا حصلى ايه
بس فعلا انا ماكنتش عارفه اكتب او مش لاقيه البداية اللى اتكلم بيها
وده مش معناه ان انا اتجوزت مثلا
عشان محدش يفتكر حاجة غلط ولا حاجة
لا لا لا استدركا للفهم الخاطئ
الموضوع بسيط ممكن احداث بسيطة تخلى الواحد سعيد
وتحس انك فعلا راضى عن نفسك فى اوقات كتير
وتحس ان الدنيا ممكن تضحكلك
لما انت تضحكلها
اقدر دلوقتى اقول انى جعت فعلا.. بس رجوع مختلف
وبالنسبة للصورة اللى فوق
يمكن ملهاش علاقة بالموضوع
بس يمكن ليها علاقه قوية اوى بالاحساس اللى انا راجعه بيه
انا حاسة دلوقتى بالانطلاااااااااااااااااااااااااااااااق

5 comments:

Anonymous said...

وحشتينى أوى يا ديروووووو، ووحشتنى مدونتك

عودا أحمد وسعيد وكل اللى تحبيه

والحمد لله إنك مبسوطة وحاسة بالانطلاق والصورة جميلة جدااااوعجبانى جدا كفاية إن فيها خيل

mohamed said...

ياااااااااااه يا دينا لسه مكتشفه دا دلوقتي

طيب كنتي أسأليني وانا أقولك من زمان
:D
ربنا يسعدك دايماً يا دينا :)
وهنشوف الانطلاقة المرادي هتكون عاملة ازاي

Dina Samaha said...

شيمووووو:
وانتى كمان والله
وبجد فعلا وحشتونى
اه طبعا ان عارفه انك بتفهمى زيى بالظبط وبتحبى الخيل
يالا ياستى اى خدمة

محمد:
والله يا محمد انا كل يوم بكتشف حاجة جديدة فيا ماعتقدش انك سهل تتنبأ باى حاجة هاعملها حتى لو حد يعرفنى كويس اوى
لانى انا نفسى مش بعرف :D

Dina Samaha said...
This comment has been removed by the author.
saloma said...

يا باشا انطلق يابااشااااااا
احنا همنا راحة سعادتك يا فندم