Friday, May 30, 2008

من جديد رجعت

كان لازم ارجع
كان لازم انسي
ولان لكل حاجة ليها وقتها
من جديد رجعت
وخصوصا انى مش دى طبيعتى
*انى اطول فى حالة زى كده
الحياة بتفرض علينا مواقف كتير
واحداث كتير.. بنتعب فيها وبنتألم
بنجرح او بننجرح
بنتوه فى وسط المواقف دى
وبنتوه مع ناس
يانكون احنا ليهم ذكرى وحشة
او هما اللى يكونوا ذكرى وحشة عندنا
فى الحالتين بنتوه عن نفسنا
بس فى الاخر.. لازم نرجع
لان كل حاجة بتعدى..والحياة بتستمر
" اللهم لك الحمد كما ينبغى لجلال وجهك وعظيم سلطانك"
____________
كده : اخر بوست يشرحها, وبقول لكل اللى سئلوا عليا وقلقوا من البوست.. شكرا لوجودكم جمبى*

3 comments:

mohamed said...

حمداً لله علي سلامتك وعلي رجوعك ..

الحياة طريق واحد هنمشي فيه مرة واحدة بس فأجمل حاجة ان كل خطوة امشيها اسيب فيها ذكري كويسه وجميلة في حياة الناس اللي بحبها ..

ممكن تكون أمنية أو حلم أو حتى محاولة ..ممكن نعرف بعدين نتيجته لما نيجي نحصد وممكن منعرفش خالص

المهم روجع جميل يا دينا والصورة حلوة ومعبرة اوي

Anonymous said...

هو في إيه؟

أنا مش فاهم حاجه

بس هو الإنسان لم بيزعل من حد بيحبه أوي بيكون زعله أكتر وأكبر وأشد.

وأظن إنك حصل منك موقف اتفهم غلط فسبب جرح لناس وانتي زعلتي من نفسك إنك سببتي الجرح ده أو الزعل ده لحد عزيز عليكي..

بس جميل إنك قدرتي تتمالكي نفسك وترجعي بسرعة.

أنا أعرف حد زعله صعب أوي بيطول جدا خصوصا لما بيزعل من حد بيحبه.

يعني مثلا الحد ده زعل من حد تاني مصاحبه ففضل ما يكلمهوش 4 شهور وحد تاني فضل ما يكلمهوش سنة كاملة. ربنا يستر من زعله.

Dina Samaha said...

محمد:
انا مش هحاول ولا هاتمنى ..انا هاعيشها كده زى ماهى.. ومش هاضيع وقت فى انى افكر فى النتيجة..

شكرا على تعليقك


عايش مع ايقاف التنفيذ:

ازي حضرتك؟.. اولا نورت المدونة؟

ثانياانا مش هاتكلم على البوست اللى فات
خلينا فى ده.. انى خلاص رجعت

هو مش زعل قد ما هى حالة بتعيشها وممكن تطول معاك بس بتختلف من شخص لشخص على حسب قدرته الدرامية فى انه يكمل فى الحالة دى

عامة الدنيا كده مش بتمشى على حال واحد

سعدت بتعلقيك وشكرا لزيارتك يا استاذ عبد المنعم :)