الصورة دى انا حطاها على الديسك توب فى الجهاز عندى فى الشغل
اول ما بحس بالضغط وخلاص مش قادرة اركز
اقفل كل حاجة, واقعد ابص للصورة
واشغل موسيقى لعمر خيرت... او اشغل عايدة او فيروز
بالظبط ربع ساعة ... وبرجع واحدة تانية
بس بتكون ربع ساعة ليها مفعول السحر معايا
نفسى اسافر
بجد بجد نفسى اسافر مطروح
انا دلوقتى فى اشد الحاجة انى اسافر مطروح مش اى مكان تانى
وحشنى بحر مطروح جدا
وحشنى انى ابقى لوحدى انا والبحر قدامى وبس
مش بقدر استمتع بالبحر الا لما اكون لوحدى واتمشى على الشط
لغايه لما اتعب فاقعد على الصخرة اللى كنت بقعد عندها دايما فى مطروح
ايه حكاية مطروح معايا..؟!! هى حكاية طويلة شوية
بس مبدئيا كده انا بعشق مطروح جداا,, بعشقها بكل ما فيها
ليا فيها ذكريات كتييير,, بس بعيدا عن كل الذكريات دى انا فعلا بلاقى نفسى فيها
بحب جوها وبحرها وكل حاجة فيها بطريقة غير طبيعية
بحس بفرحة جوايا مش طبيعية لما بكون مسافرة وانا فى الاتوبيس
فى الطريق مش بنام ..بقعد ابص ع الطريق واعد فاضل كام كيلو لحد ما نوصل
واقعد افكر هاعمل ايه اول ما اوصل...واول ما بدخل وبشم ريحة البحر فى جوها
وببص لكل مبنى فيها وكل طريق حتى التاكسيات وملامح الناس هناك
لو حكيت... مش هابطل كلام عنها
انا بقالى كده بالظبط 4 سنين ماروحتش مطروح
بجد وقت طويل اوى,, بس السنة دى ان شاء الله هحاول اروحها
على فكرة الصورة اللى فوق قريبة جدا من لون البحر فى مطروح
6 comments:
أية الرومانسية دي شكلك رومانسية مووووت
والله كلامك جميل جدا ويشد بس تبقى تسمعي بودا بار موسيقى السحر والجمال وينقلك الى عالم أخر بأجنحة وكفاية
ههههههههه
مبروك لدخولك عالم المدونين
والى الأمام دائما
WWW.SEBOFY7ALO.BLOGSPOT.COM
أية الرومانسية دي شكلك رومانسية مووووت
والله كلامك جميل جدا ويشد بس تبقى تسمعي بودا بار موسيقى السحر والجمال وينقلك الى عالم أخر بأجنحة وكفاية
ههههههههه
مبروك لدخولك عالم المدونين
والى الأمام دائما
WWW.SEBOFY7ALO.BLOGSPOT.COM
:D
مبروك دخولك عالم المدونين ايه بس يا اخينا دى من مؤسسى المدونات وكاتبه لها ثقلها و دائما تاتى بكل ماهو رائع و تملك ادوات ومعدات تمكنها من بناء مكان غايه فى الجمال داخل قلوب القراء حقا لديها تلك الملكه
مدونه جميله يا دينا و انا كمان بحب مطروح جدا بس مش هقدر اروحها معاهم السنه دى للاسف علشان الشغل
شكرا على الصورة، أنا حطبقها وأحطها عندي أنا كمان :) من حيث مطروح والبحر، فأنا مرحتش مطروح قبل كدة، بس فيما يتعلق بالبحر فأنا عاشق له، فإن سبحت فيه أشعر بالراحة وإن مشيت بجانبه زالت همومي
اتمنى امنيتك بالذهاب إلى مطروح هذا العام تتحقق :)
بعشق مطروح وعجيبة تحديداً
تحياتي لاختيار المكان
تمنيت لو انك وضعت صورا لمطروح فأنا لا أعرفها مع أنها تبدو مكانا جميلا جدا
Post a Comment