سمعت اغنية لمحمد منير..بصراحة شدتنى اوى..فكرت فى كل حد كان واقف جمبى فى اى محنة كنت فيها..الكلمات لمستنى اوى..برغم انها قصيرة جدا وبسيطة جدا..الا ان معناها كبير اوى عندى فقررت اكتب إهداء
إهداء لكل شخص فى حياتى
انصت لشكواى..وسمع انينى..بين يديه ارتاحت دموعى..رغم احزانه .. رغم آلامه.. وجدت صدره رحبا لى.. حمل احزانى وشاركنى همومى..ساعدنى ولو بإبتسامة
اهداء لكل هؤلاء
اهداء لمن هم بالفعل نعمة منحها الله لى, ليهون عليّ كل إبتلاء, فبهم استعيد ثقتى واستمد قوتى , احمد الله عليهم..واشكرهم لوجودهم فى وقت احتجت كثيرا لهم
بننجرح كل يوم لكن
لكن بيفرحنا ان انت جوا القلب ساكن
ساكن فى افراحنا
وانت الامل فى العيون
وانت الامل فى العيون
والنشوة ساعة الجنون
وإياك تكون زيهم
وإياك تكون زيهم
تروح وتجرحنا
ده انت الوحيد منهم تقدر تريحنا
ده انت الوحيد منهم تقدر تريحنا
بننجرح..محمد منير
13 comments:
يا بنتي ده اقل واجب
ههههههههههههههههههههه
سيبك انتي، الاغنية وهمية اصلا وبجد لها عندي ارتباطات شرطية كتير
شكرا لتذكيرك ليا بيها، وهعتبر نفسي من الناس الي اهديتي لهم الاغنية
اميرة
ارتباطات شرطية !!!
اهو ده اللى كنت خايفة منه :D
وكمان انتى هاتفترضى انك منهم..ده انتى اكييييييييد منهم ومن اوائل الناس كمان اللى وقفوا جمبى كتيير وسمعونى كتييير
بجد..ربنا يخليكى ليا
بس سيبك انتى بقى ..انا اصلا مش مصدقه انك علقتى هنا فى المدونة ,ده سبق صحفى كبييير ليا
بجد نورتينى..وبجد ميرسى لوجودك فى حياتى انتى وطبعا شلة الانس :)
هناك اشايء تستحق التعليق عليها :P
الأغنية حساسة جداً ومعبرة
يعني ان كانت ليها أرتباطات شرطية عند أميرة فهي ضربت علي اوتار كتير اعندي ان مكنش كل الأوتار
ربنا يخليلك كل اللي بيحبوكي يا دينا ويفضوا دايما حوليكي وجمبك
من أجمل الأشياء ان الأنسان في وقت شدته يلاقي اللي يقف جمبة بصدق يسمعله ويهون عليه ..
طبعاً غروري ممكن يصورلي أني من الموجه ليهم الأهداء
دينا قبل ما اكتب تعليق ، اهديلك الاغنية دى بجد
و انتى اهديها لنفسك، عشان انتى ياما سمعتى لناس كتير اوى فالوقت اللى كان نفسك تتكلمى و احنا اللى نسمعك
بس يا سيتى مالكيش دعوة احكى انتى بس و مالكيش دعوة، و يارب يخليكى لينا كلنا و تحكيلنا و تسمعيلنا
اميرة:(اميرة حبى انا)ب
هناك اشياء تستحق التعليق!!..يابنتى انتى خسارة والله انك مش على الساحة البلوجية..
ميرسى يامرمر
محمد:
ربنا يعزك يا محمد..انت فعلااخ عزيز ليا وساعدتنى كتيير وبجد من الاشخاص اللى بعتز بيهم جدا..ربنا يكرمك ويجازيك خير
سلومة:(توام روحى)ب
هاقولك ايه بس.. ربنا يخلينا لبعض
نسمع ونحكى لبعض دايما..بس حاجات كويسة بقى ونفرح ببعض كلنا:)
وطبعا مش هاقول قد ايه انتى كمان وقفتى جمبى وسمعتينى كتيير وشوفتى دموعى وعشتى معايا كل حاجه ..عشتى معايا لحظات الجنون والفرح والاحباط والاكتئاب بقينا خبرة والحمد لله :D
أنا بكره منير وش أكيد يعني
بس الأغنية كلماتها حلوة، يمكن لو وجيه يغنيها تبقى أعلى
ذوقك عالي يا بنت، ربنا يكملك بعقلك في الاختيارات
عمرو:
فيه اغانى معينة بحبها لمنير وش يعنى
:D
بس على العموم انا مبوسطة ان كلماتها
عجبتك لانك من (لهم)اللى بقصدهم
واللى كانت ناصيحهم ليا ساعدتنى كتيير معنويا ونفسيا وكانت تعنى لى الكثير
وربنا يسمع منك..يكملنى بعقلى فى اختياراتى فى كل حاجه
ربنا يكرمك يا دينا ويوفقك دايما لكل خير
عمرو انا قعدت اضحك لما شفت التعليق بتاعك وش كدا قولت هو دا عمرو
ربنا يخليكي يا فندم، الإهداء يبهجني
جرى ايه يا محمد؟ عو انا بقيت مقري أوي كدة؟
الله يا دينا الأغنيه دى روعه ولمستنى اووووووووووى
وعلى اعتبار _معلش على الغلاسه_انى واحده من الناس اللى يستحقه الاهداء بقولك يادودى you are allwayes welcomeيعنى انا موجودك عشانك امبارح والنهارده وبكره وبعدو لو حبيتى عشان ده اقل حاجه ممكن نقدمها للناس الجميله اللى تستاهل حبنا واهتمامنا
واحده اسمها هدى بتحب دينا
منير تحفة
دندوووووووون دودي الاغنيه بجد تحفه وانا هعتبر نفسي واحده من اللي اهديتي ليهم الاغنيه ومش هقلك انا مين اشوف هتعرفيني ولا لاء
Post a Comment