ايه اللى ممكن يخلى واحد يلجأ للكذب؟
ايه اللى ممكن يستفاده اى حد من الكذب؟
ليه وعشان ايه يكون الكذب حل لاى حد؟
انه يخبى الحقيقة لفترة؟
انه يتحاشى رد فعل هو شايف انه مش هايقدر يستحمله؟
انه هايتجنب صِدام هو مش هايقدر يواجه؟
انه شايف انه لما يكذب هو فى مصلحة اللى قصاده؟
انه يتحمل عواقب لوحده من غير ماحد يتحملها معاه؟
طيب ايه اللى ممكن يحصل لو الواحد كان صريح؟
ايه اللى ممكن يحصل لو كان صادق مع نفسه على الاقل؟
ايه ممكن يكون اسوأ من اللى هايحصل؟
ايه ممكن يصطدم بيه لو قال الحقيقة؟
اكيد هايفرق معاه
هاتفرق اللحظة دى
لحظة الصدق اللى هايعشها مع نفسه
لحظة تساوى عمره كله
لكن يعيش وقت كبير اوى فى كذبة
صعب اوى ..لا..ده قاتل اوى
قاتل للانسان ده قبل اى حد تانى
انه بيقتل نفسه كل دقيقة وبكل بطء
الدقايق بتعدى عليه سنين
عايش بروح كاذبة
مع ان وجوده فى الدنيا ده اكبر حقيقة
عايش بقناع
قناع كاذب دايما لابسه
قناع كاذب دايما لابسه
فى كلامه فى ابتسامته.. وحتى فى احساسه
بس هايجى يوم ويسقط فيه القناع
سواء عمل حسابه او لاء
اليوم اللى هاتسقط فيه كل الاقنعة
بيكون زى الكابوس فى عنيه
طيب ليه الكذب وايه الثمن؟
ليه ..هو مش هايعرف يقول ليه
لان مفيش مبرر للكذب الا العجز والخوف والضعف
الثمن.. وقت كبير اوى بيمر من غير لحظة صدق واحدة عاشها
الثمن.. بيدفعها ناس كتيير اوى وهو مش حاسس
الثمن.. انه بيغدر بناس وهو مش قادر يعمل حاجة
ناس ماشفش منهم الا الصدق
والحقيقة كانت حياتهم
بس هايجى يوم ويسقط فيه القناع
سواء عمل حسابه او لاء
اليوم اللى هاتسقط فيه كل الاقنعة
بيكون زى الكابوس فى عنيه
طيب ليه الكذب وايه الثمن؟
ليه ..هو مش هايعرف يقول ليه
لان مفيش مبرر للكذب الا العجز والخوف والضعف
الثمن.. وقت كبير اوى بيمر من غير لحظة صدق واحدة عاشها
الثمن.. بيدفعها ناس كتيير اوى وهو مش حاسس
الثمن.. انه بيغدر بناس وهو مش قادر يعمل حاجة
ناس ماشفش منهم الا الصدق
والحقيقة كانت حياتهم
بس عاشوا فى الكذبة معاه
...
الكذب هو اسوء او ابشع صفة ممكن تكون فى انسان
النفاق هو كذب
الخيانة هو كذب
الرياء هو كذب
الغدر هو كذب
الانانية هو كذب
خلف الوعد هو كذب
حاجات كتير فى حياتنا بنكذب فيها
ليه وايه السبب؟ لان ببساطة هى دى الطبيعية البشرية
نحن لست ملائكة الله على الارض
ولا ادعى بأنى الفتاة الصالحة التى لا تكذب
و ان لسانى لم ينطق كذبا ابدا
لا..
بس انا عمرى ما هكذب لو كانت كذبتى
هى ثمن بيدفعه ناس كتيير معايا
بيدفعوه من حياتهم عشانى
اما ان حد يكذب عليا
اهون عليا يجرحنى وهو صريح
على ان يكون رفيقى وهو كاذب
الكذب هو اسوء او ابشع صفة ممكن تكون فى انسان
النفاق هو كذب
الخيانة هو كذب
الرياء هو كذب
الغدر هو كذب
الانانية هو كذب
خلف الوعد هو كذب
حاجات كتير فى حياتنا بنكذب فيها
ليه وايه السبب؟ لان ببساطة هى دى الطبيعية البشرية
نحن لست ملائكة الله على الارض
ولا ادعى بأنى الفتاة الصالحة التى لا تكذب
و ان لسانى لم ينطق كذبا ابدا
لا..
بس انا عمرى ما هكذب لو كانت كذبتى
هى ثمن بيدفعه ناس كتيير معايا
بيدفعوه من حياتهم عشانى
اما ان حد يكذب عليا
اهون عليا يجرحنى وهو صريح
على ان يكون رفيقى وهو كاذب
17 comments:
ياااه، أسوأ حاجة فالدنيا فالانسان فأى حاجة هى الكذب، بس بجد الأسوا و الأحقر و الأدنى ، هو تبرير الكذب، يعنى مش تكذب و خلاص، لأ ده انت تبرر كذبتك كمان و تفنع نفسك لحد ما تصدق ان ده الطبيعى و انك ماغلطش، يا عم اعترف انها غلط وصلح نفسك،
لكن انك تقول ان عادى و ليه سبب ده لأ و لأ و ألف مليون لأ ،، الكذب فحد ذاته صفة سيئة، ومفهاش لكن ولا مالكنش
فعلا كفاية كذب بقى ، الكذب كتر أوى وبقى العادى إن الناس تكذب حتى على نفسها، مع أن أوحش حاجة فى الانسان أنه يكون كذاب
اهون عليا يجرحنى وهو صريح
على ان يكون رفيقى وهو كاذب
حلوة أوى يا دينا
دينا
الله عليكي بجد الله عليكي
قدرتي توصفي الكدب في كل حلاته وصوره فعلا اصعب حاجه الكدب
ده حتى الرسول صلوات الله عليه وسلامه في حديث له في ما معناها ان المسلم لايكذب من الجائز ان يقتل ان يسرق ان يزني وليعوذب بالله ولكنه لا يكذب دا المسلم بقى
لا واللي يغظيك فعلا زي ما سلمى قالت ان الناس الكدابين ماشاء الله بتوصل لدرجه احتراف الكدب يعني بيكدبوا ويصدقوا نفسهم ويحسوا ان الناس هما اللي كدابين وهما الملايكه الصادقين اللهم احفظنا جميعا من الكدب والكدابين
السلام عليكم , حلو اوي يادينا
انا معاكي الكذب ده حاجة بشعة جدا , انا عن نفسي بكره , مش شايف إن الانسانلازم يكذب اساسا , صحيح ساعات الواحد بيكذب غصبن عنه ومن غير ماياخد باله , لكن في ناس عايشه في الكذب , وكل حاجة فيها كذب حتي أحساسهم , ودول بقي اللي كذبوا الكذبة وصدقوها
وربنا يبعد كل الناس عن الكذب
علي فكره مش كل الناس بتكذب يعني قصدي في ناس انا اعرفهم مش بتكذب
للأسف يا دينا، الإنسان الصريح هو مشكلة في زمننا هذا، الصادق الأمين لا يواجه سوى الذل والهوان، أما الكاذب اللئيم، فهو صاحب الحظوة والمكانة. دائما ما كان يقال لي أنني لن استطيع العيش في بلد الكنانة مصر بسبب صراحتي، ولقد تأكد لي ذلك، مما جعلني منافقا أحيانا مع أنني لم أصل لمرحلة "المطبلاتية" ولكنني اكتشفت أن بعض النفاق يفيد، وأن الصراحة المطلقة تضر.
سلمى:
اكيد بشع يا سلمى ان الانسان يكون كاذب والابشع اللى بيبرر كذبه كمان مش مكفيه كذبته !!
شيماء:
فعلا الكذب كتر اوى يا شيماء
وبجد زهقت ايه اللى ممكن يخلينى اكذب يعنى ..وللاسف الكذب بقى اسهل الطرق لينا
مروة:
تسلمى يا مروة انا اكيد ماقولتش كل حالات الكذب لان فيه صور كتيير اوى مش هاقدر اقولها فى بوست واحد, اقولك بلاش تقرى, انتى هاتشوفى الناس حواليكى
علا:
اكيد كلنا احيانا بنكذب بس السؤال هنا ليه؟؟ مش لاقية مبرر للكذب فعلا
وعلى رأى مش عارف مين الصراحة راحة برضه ولا ايه؟؟
anonymous:
والله انا بتكلم على اللى بيكذبوا
واكيد مش بعمم وكمان اكيد يعنى مش هازعل لما اعرف ان لسه فى حد مش بيكذب
ايمن:
ايمن هو فعلا اللئم والخبث والكذب هو بقى السائد دلوقتى .. بس هو ايه اللى مفروض يبقى الاعم والسائد!!
فى كل الاحول انا برفض وهافضل صريحة وصادقة ومش هتنازل انى اكون غير كده
انا بس حبيت اشارك في راي واقول ان مصر لسه بخير فيها ناس مش بتكذب
مش عارف اقول ايه
بس صعب نعيش من غير كذب
مع اننا رافضينو بس الحياه من غيرو هتكون صافية و مش ممكن نحس بيها
الاخوة الكرام لأن دورنا هو إظهار الحقيقة وتوعية الناس بها , ولأن ما علمته عن ذلك المجاهد يمثل قيمة عظمى المفترض أن نفتخر بها ونكرمها , لا أن نعتقلها ونسجنها , فإني أطلب منكم رجاءاً أن تساعدونا في بدء حملة الافراج عن شيخ المجاهدين السيد / أبو الفتوح شوشة , المعتقل منذ حوالي 20 يوماً , ويعاني وضعاً صحياً سيئاً داخل محبسه نظراً لكبر سنه البالغ 80 عاماً , وتتمثل الحملة في نشر هذا البوست الجاهز يوم الجمعة الموافق 19/5/2007 , ونشر صور شيخ المجاهدين في جميع المدونات المشاركة – الصور موجودة في مدونتي- , مع توسيع نطاق الحملة لتشمل كافة المدونات التي نستطيع الوصول اليها .. وجزاكم الله خيراً ...
البوست بعنوان
أن تكون أبو الفـتوح شوشة
حملة الإفراج عن شيخ المجـاهدين :
في ظل تلك الهجمة الشرسة التي يتعرض لها كل وطني حر شريف , تتعدى تلك الهجمة هذه المرة خطوطها الحمراء , وتتمادى في غيها المنهجي , لتصطدم برمز من رموز العزة والكرامة في مصرنا الحبيبة , إنه شيخ المجاهدين الذي يربو عمره عن الثمانين , الأستاذ أبو الفتوح شوشة , ورغم ان الكثيرون من قد لا يعرفونه , ربما لأنه ليس بلاعب كرة قدم قديم أو مطرب شهير قد إعتزل ... بل إنه من القلائل الذين ما زالوا أحياء ممن سبق لهم الخروج مجاهدين وقت تقسيم فلسطين عام 48 م , ورغم أن الكل قد تناساه , في غمرة إعتقال نائبي مجلس الشعب من الإخوان المسلمين , وقد تم إعتقاله معهم وقتها بكل القسوة رغم شيخوخته وكبر سنه , إلا أنهم لم يرحموه , ولم تمنعهم كهولته , بل لفقوا له التهمة الشهيرة وهي محاولة قلب نظام الحكم !!! وكأن كهولته وكِبر سنه تسمح له بمجرد التفكير في قلب منضدة و ليس قلب نظام الحكم !!! لكننا اليوم نعلنها إننا لم ننساه , وكيف ننساه ؟؟ وقد حمل لواء الرجولة والعزة آنفاً وخرج ببدنه وماله قاصداً فلسطين ليجاهد عام 1948م اليهود الصهاينة وهو يبغي النصر أو الشهادة , , إنه اليوم له كل الحق علينا في ان ندعمه تماماً , حتى ولو لم يطلب , وحتى ولو لم يعلم , فإننا من منطلق من نمثله من صحافة شعبية , تمارس دورها في تنوير شعوب المنطقة , نعلن اليوم ما الذي يعنيه أن تكون شخصاً كشخص أبو الفتوح شوشة في مصرنا الحبيبة ...
أن تكون أبو الفتوح شوشة فهذا معناه أن تكرم وتصير رمزاً لكرامة الرجال لو كنت في بلد غير مصر ... أما لأنك في مصر ... فهذا معناه أن تصير نزيل أحد السجون وحبيس أحد المعتقلات ...
أن تكون أبو الفتوح شوشة فهذا معناه أن تخرج للجهاد في فلسطين وعمرك لم يتجاوز التاسعة عشر ...فتبلي البلاء الحسن ... ثم تعود لتنال جزائك على جهادك وبدلا من تكريمك يزج بك في السجون 15 عاماً مع الشغل والنفاذ ..
أن تكون أبو الفتوح شوشة فهذا معناه أن تعود من فلسطين راضياً عن نفسك ... راضياً عن جهادك ... راضياً عما فعلته لرفع لواء الذود عن فلسطين ... فلا يرضى عنك النظام ... لتذوق الويل والتعذيب في السجون المصرية ...
أن تكون أبو الفتوح شوشة فهذا معناه أن تخرج من السجن بعد 15 عاماً كاملةً لتمارس رسالتك في البناء والاصلاح من جديد ... بدون أن تتغير قناعاتك أو تتزعزع ثقتك في نفسك ...
أن تكون أبو الفتوح شوشة فهذا معناه أن تترشح في انتخابات مجلس الشعب لعام 1987م ... فيهب جميع أبناء دائرتك لإنتخابك ... بما فيهم أقباط دائرتك بالكامل .... فتنجح نجاحاً باهراً ... ثم يتم حل المجلس لأجل إسكاتك ...
أن تكون أبو الفتوح شوشة فهذا معناه أن تتحصن بحب الله و تحظى بحب الناس لك ...... لكنك في الوقت نفسه تجد أن النظام يُكن الكره لك ... ويعتقلك المرة تلو الأخرى ...
أن تكون أبو الفتوح شوشة فهذا معناه ألا يرحموا شبيتك وأنت قد قاربت الثمانين ... فيزجوا بك في المعتقلات غير آبهين ... ويحولوك لمحاكمة هزلية غير مستنكرين ...
أن تكون أبو الفتوح شوشة فهذا معناه أن تُحارب في رزقك وسكنك وراحتك وانت شيخ كبير ... ويضيقوا عليك كل شئ حتى يسجنوك ... في الوقت الذي تتمنى أن تنعم فيه براحتك ...
أن تكون أبو الفتوح شوشة فهذا معناه جهاد في صغرك ... تعذيب في شبابك ... بهدلة في كهولتك ...
أن تكون أبو الفتوح شوشة فهذا معناه ... اننا معك حتى النهاية ... نهاية ظلمهم أو نهايتهم ...
الروابط :
مدونة انسى تذيع نبأ اعتقال شيخ المجاهدين
http://ensaa.blogspot.com/2007/04/blog-post_9947.html
مجلّة "فلسطين المسلمة" تذيع فقرات من جهاد شيخ المجاهدين
http://www.fm-m.com/2003/aug2003/story24.htm
تقرير صحيفة المصريون عن اعتقال قدامى رجال الاخوان المسلمين
http://www.almesryoon.com/ShowDetails.asp?NewID=34088&Page=1
ملف pdf عن جهاد شيخ المجاهدين المصريين في فلسطين
http://www.fm-m.com/2003/aug2003/pdf/51.pdf
تم تدشين مدونة الحرية لأبو الفتوح
http://freeaboalftouh.blogspot.com/
جاري تدعيم الحملة بتقرير جريدة الدستور عن شيخ المجاهدين بتاريخ 13/5/2007
جاري تدعيم الحملة بتقرير جريدة الوفد عن شيخ المجاهدين بتاريخ14/5/2007
هى الحياه كده مش سهل تلاقى ناس صافيه دلوقتى
بس تاكدى انهم اكيد هما موجودين
المهم تدورى فين وعلى مين ؟
الدنيا كدبة
أنا عجباني أوي صورة البنت دي، مي كانت حطاها صورة شخصية ع الماسنجر
دينا الكدب انواع كتير ..
واللي ابشع منها النفاق لان اللي بينافقك بيظهر حاجة وهو جواه حاجة تانية .. يضحك في وشك ويمدحك وهو من جواه بيحمل ليكي مشاعر تانية سلبيه ..الكذب مش مجرد انه حاجة محصلتش او يتقال انها حصلت ..الكذب في كل شئ في الكلمة في التصرف والفعل ... حتي في الأبتسامة ..
انتي بتسالي نفسك ليه بيكذبوا ..وليه بينافقوا ..وليه مش بيجوا يصرحوكي باللي جواهم بشجاعه ..
ممكن يكون السبب جبن واخوف
..جبن من المواجهة وخوف من انهم يخسروكي تو خوف انهم يخسورا حاجة بتفيدهم ..
او شئ تاني ..انهم متاكدين انهم غلط..فبيسكتوا ويحتفظوا بكذبهم لنفسهم ..ويطلعوه بعيد عنك مش في وشك
بصي ي دينا متخليش اي حاجة او حد من دول يزعلك ..زي ما دول موجودين في ناس حوليكي بتحبك فعلا وصتدقة في مشعراها فكري في دول وخليكي معاهم علي طول ..ومتيصيش علي الناتس التانية ولا تعمللهم اي اعتبار .. اكنهم مش موجودين اصلاً
بصى يا دينا هو الكدب موجود بس لما بيزيد عن حده بتبقى شىء مقزز ولما الكذب ده يوءدى الى ضرر للناس التانيين دى تبقى مأساه وكارثه كبيره ومعناها ان الى بيعمل كده ده قلبه ميت وليعذبالله المفروض الناس متقسمه تلات اقسام اصحاب قلب سليم واصحاب قلب مريض واصحاب قلب ميت دول بقا بيبقو شايلين قلبهم وحاطين مكانه حديده ابسط مثال مثلا الواحد ممكن لما يروح المرور اه ممكن يدفع فلوس علشان يمشى الدنيا بسرعه مثلا معهوش طفايه حريق فيدفع علشان الناس تمشيهاله بس الكارثه بقا لما تلاقى عسكر بيدى مخالفه وتبصى تلاقى الراجل نازل يديلو فلوس علشان يخلى رقم خمسه تسعه او رقم واحد اتنين دى كارثه بكل المقاييس ومش لاقيلها معنى غير ان صاحبه ميت والصراحه القلوب الميته بقت كتير اوى فى البلد دىyour's amr bahy
هناك من يحترف الكذب كوسيلة للفوز برضاء من هم اعلى منه فى المناصب والمراكز
وهناك من يكذب تجنبا للصدام والخصام مع شخص عزيز عليه
وهناك من يكذب خوفا من العقاب
وهناك من يكذب حتى لا يصدم الشخص الذي امامه
وهناك من يكذب لانقاذ من يحب
وهناك من يكذب لتحقيق مصلحة على حساب غيره
وهناك من يكذب ويضر الاخرين بكذبه
وهناك من يكذب بدون إيذاء الاخرين
لكن كله فى النهاية كذب .. ويكذب من يقول لك ان للكذب ألوان , كذبة بيضة وكذبة سوداء
كفايه كدب بقى فعلا والله يادندون الواحد استوى بجد ومبقاش قادر يستحمل كدب تاني وفي ناس للاسف خلاص اخدتها هوايه وحرفه وماعندهاش استعداد تبطل ضحك على نفسها ولاعلى الناس اللي حواليها والمشكله انهم خلاص اتعرفوا انهم بيكذبوا ومع ذلك ما فيش فايده ربنا يهديهم ويفوقوا لنفسهم
Anonymous:
شارك براحتك وماله..مصر بخير طبعا طبعا
شكرا على المرور
Dr.killer:
لا نقدر نعيش من غيره..لانى مؤمنة ان كل حاجة فى الدنيا دى حقيقة وجودك فى الدنيا حقيقة ليه تحاول تكذب اى حاجة
شكرا جدا على تعليقك وميرسى على التعليق ومرورك
صاحب البوابة:
ربنا معاكم
عاشقة الرحمن:
انا عارفة انهم موجودين بس انك تقابلى حد غصب عنك بيكذب ومتعرفيش مافيش فى ايدك حاجة تعمليها
مرورك اسعدنى بجد
عمرو:
لا يا عمرو الدنيا مش كدبة الناس هما الكدابين ربنا مخلقش الدنيا كدبة خلقها حقيقة عشان نؤمن بيه
الصورة عجبانى انا كمان جدا بتقول فعلا كفااااية
محمد:
هاقولك ايه..انا اكيد عارفة ان فيه ناس كتيييييييير كويسة ومش بتكذب هارجع اقول ان فيه غريهم بيكذبوا وكانوا بيمثلوا فى حياتك برضه اهمية كبيرة جدا..هما موجودين بالفعل مش هانكر وجودهم
شكرا يا محمد على كلامك
عمرو باهى:
اولا منور يا عمرو المدونة
ثانيا انت بتكلم عن ناس فعلا موجوده..ناس قلبها ميت بس انا مقصدش دول اكيد طبعا دول نوعية منهم بس انا اقصد الناس اللى قلبهم صاحى ومشاعرهم موجوده بس بيكذبوا ده بيكذبوا احساسهم ده
منور يا عمرو
شاب مصرى:
كلامك لمس جزء كبيير اوى من اللى اقصده وعن النوعية اللى اقصدها
فعلا مفيش كذبة سودا وكذبة بيضا ..كله بيأذى والله كمان مره كله بيأذى
ميرسى على التعليق مرورك اسعدنى
Anonymous:
معاكى حق فعلا فى ناس فعلا اخدتها هواية ومش قادرة تبطل كذب
واضح انك تعرفينى وانا عرفاكى بس ياترى مين
المرة الجاية ابقى سيبى اسمك على الاقل اعرف الجميل مين؟؟ :)
Post a Comment