الحكم على اربعة صحفيين بالحبس لمدة سنة مع التنفيذ *
حبيت اكتب واقول عن كل اللى جوايا بيدور
اتكسر القلم
قولت احكى اشكى ابكى يمكن اثور
اتكسر القلم
بكيت فى لحظة يئست فجاة سمعت صوت مقهور
اتكسر القلم
صممت اكتر
قولت هاكتب
عن المشاكل و لحد امتى هاتسوء الامور
اتكسر القلم
لحد امتى هايفضل الصمت مالينا
اتكسر القلم
قولت احكى اشكى ابكى يمكن اثور
اتكسر القلم
بكيت فى لحظة يئست فجاة سمعت صوت مقهور
اتكسر القلم
صممت اكتر
قولت هاكتب
عن المشاكل و لحد امتى هاتسوء الامور
اتكسر القلم
لحد امتى هايفضل الصمت مالينا
لحد امتى بنعيش فى ضلمة وجحور
اتكسر القلم
مبقاش ينفع فى الزمن ده غير مخادع منافق يقول كذب زور
اتكسر القلم
قولت اسكت
ارسم وردة
اتكسر القلم
مبقاش ينفع فى الزمن ده غير مخادع منافق يقول كذب زور
اتكسر القلم
قولت اسكت
ارسم وردة
طفل ..بضحكة
شمس.. وشروق
بدر..وبدور
اتكسر القلم
وانسى الزمن والمكان
وانسى الحلم اللى كان
وانسى انين الطير بجناحه المكسور
اتكسر القلم
رسمت حطام احلام
اوهام انسان ..انه يعيش حر كريم
معذور
اتكسر القلم
بصيت فى رسمي
سالت نفسى هى ايه دى حياتنا
دنيا دى ولا مجموعة قبور
اتكسر القلم
دنيا عايش فيها الظالم مع المظلوم
قِبل يشاركه فيها ..مشكور
اتكسر القلم
قولت اكتب عن صحفى حر
فى بلد المحروسة كممته ايد جبان مغرور
اتكسرالقلم
شخبط القلم.. من كتر الذل والعبث
بخطوط وخوف لنفضل كده ويعدى علينا الدهور
اتكسر القلم
اتكسر القلم من كتر الالم ماخطى بسنه ولا رسم
حتى الحروف مابقتش تنكتب ..اختفت السطور
واتكسر القلم
20 comments:
دينا حقااذهلنى قلمك حتى و هو مكسور
من افضل واروع ما قرأت فعلا ابدعتى الى اقصى درجه وفعلا لابد وان نثور حتى وان كان القلم مكسور
عشت معاه كلمة كلمة
بجد هايل يا دينا
دا القلم اللي مش ممكن يكسر
زجلك حلو يا دينا، عندك سعة لغوية مكنتش أعرف عنها قبل كدة (F)
هل معنى انكسار القلم مره والف مره ان نستسلم ونتوقف
وحتى لو لم يلتفت لكلامنا احد فلنعتبره اخر امل لنا فى الحياه
ان نبوح بما فى صدورنا
هل سيصبح الكلام ممنوعا هو الاخر كالماء
اسعدتنى زيارتك لمدونتى واتمنى ان تتكرر
ده أول تعليق لي عندم يادينا وان كنت بقرا مدونتك باستمرار
الصراحة .. مش عارفة اقولك ايه انا اصلا من ساعو ما قرييت الخبر وانا حالتي النفسية في النازل وجت التدوينة ديه كملت على بجد حلوة ومعبرة واجمل حاجة ان المشاعر بتنط من الكلام
ماشاء الله
كلماتك رائعة يا دينا ..
بس ياترى تعرفي تقولي كلماتك دي باداء يناسب الكلمات ؟؟
كلماتك تحمل معها معالم الصدق وتنظر للموضوع من زاوية مختلفة و ومؤثرة ايضا
..
تحياتى
أدعوك وأدعو كل الزوار إنهم يلحقوا فوازير رمضان وكل اللي فاتوا فزوره ممكن يلحق يحلها عشان كل فزوره ممكن تلحأها خلال عشر أيام وإن فزورهأول يوم رمضان حنأفل باب الحل بعد يومين
وبفكركم بردوا إن الجوايز جامده ..وإن الوازير عباره عن خلق وصحابي
يااااااه
عظمه على عظمه يا دندوش
بس ياشيخه ازاي القلم اتكسر وانتي بتكتبي بيه زي الفل اهو ومطلعه معاني وتعابير فوق التحفه
المهم سيبك انتي
جوز خالتك لسه جايب داستتين ااقلام جامدين موت
هبعتلك اتنين واحد جاف والتاني رصاص
اه صحيح الرصاص بسنون وهبعتلك معاهم علبتين سنون علشان السن لو اتكسر ولا حاجه
ولا تقهري نفسك ياشيخه على القلم اللي اتكسر دا
وانا بناشد كل اللي بيدخلوا مدونه دينا اننا نلم مع بعضينا كده ونجيب قلم لدينا مستورد علشان القلم اللي اتكسر دا
بس انا بقى مش هدفع علشان جبتلها قلمين واشطه
("_:)
جميلة اوى
كل سنة وانتى بالف خير
إذا قررنا فلن يفرق معنا إذا كسر القلم ..سنخط سطورا عن ظلم
عن جبروت
سنخط رسوما تبعث أملا
لن تكفينا بحار العالم حبرا
لن تكفينا أبجديات لغات العالم
سنؤلف أبجديتاً جديدة
لنسطر مستقبل قد حان
إن كسر القلم
فيد صاحبه لم تكسر
حتي وإن حبست عن الكتابة فترة
فستعود ولكن أشد قوة
وإن تعاضدت الأقلام
فلن تستطيع أي قوة كانت أن تكسرها
...
تعبيرات رائعه
تحياتي
عجبني جدا، واللي عجبني أكتر اهتمامك بالموضوع ده. على فكرة رئيس تحرير الدستور أحيل لمحكمة أمن الدولة، ربنا يستر
دايما بشيل فى جيبى قلمين
اشكرك على مشاعرك الجميله وتدعيمك لكتاباتى المتواضعه
تحياتى
تدوينة ممتازة :)
بغض النظر عن المضمون عجبني طريقة الكتابة :)
saloma:
ربنا يخليكى ليا يارب
عمرو الببلاوى:
مش عارفة اقولك ..ده كتيير والله
محمد:
الله يخليك.. ربنا يعزك
عمور فهمى:
طب الحمد لله..ده شرف ليا
e7na:
بالطبع لا يعنى انكسار الام ان نتوقف ونصمت
ولكن هى مجدر حالة شعرت بها واتمنى من الله الا تدوم فقلمى صعب ان ينكسر للابد
شكرا على مشاركتك وسعيدة بتكرار الزيارة
فرفوشة:
اولا اهلا بيكى يا سالى فى المدونة ووتنوريها دايما
ثانيا ميرسى جدا على الكلامك الجميل
anonymous:
اولاك ميرسى على الكلام
وطبعا اكيد بعرف اقولها
بس اكيد لو اعرفك كنت وريتك بقولها ازاى
:)
انكسارات:
شكرا جدا على تعليقك وسعيدة بالزيارة
Marwa:
طيب يا ختى
عصفور بلا اجنحة:
ميرسى جدا وانت بالف صحة وسلامة
Human:
سنؤلف ابجدية جديدة ..لنسطر مستقبل قد حان
عجبتنى اوى
كلماتك بالفعل ثرية وسعيدة بالزيارة واتمنى انها تتكرر
anonymous:
كلمات اضعها فوق راسى
اشكرك على الزيارة وسعيدة بها جدا
el3araby:
ميرسى
ونورت المدونة
ايمن:
ربنا يكرمك يا ايمن
كفايه انى شوفتك فى المدونة
منور دايما
حزين:
احسن حاجة
الشكر متبادل:)
كفاية طيبة:
ربنا يخليكى يا جميل
وانا سعيدة برايك ده بغض النظر عن المضمون برضه :)
Post a Comment