هاحكلكم مثال بسيط اوى حصل معايا وفعلا استفدت من الفوتوشوب فيه
الواحد احيانا بيبقى مركز مع نفسه
وبيتأمل المكان من حواليه
ويا سلام لو انت على البحر
ويا سلام لو انت على البحر
وشايف غروب الشمس
لو انت من محبى التصوير بقى
اول حاجة هاتيجى فى دماغك
انك تاخد صورة للمشهد الروعة ده
اللى انت مش بتكتفى بس بمشاهدته
الا انك عايز تسجله وتستمتع بانك قدرت تسجل اللحظة دى
طبعا الغروب بيتكرر كتيير
بس الفكرة هل احساسك باللحظة دى بيتكرر
طيب هل عينك هاتقدر تحس بسحر اللحظة دى تانى
ده بيخلينى دايما بيكون معايا الكاميرا فى اى وقت
نرجع لمكان الحدث
طبعا المكان اسكندرية والوقت هو الغروب
واقفة فى اكثر لحظاتى التحاما مع الطبيعة
بحاول اسجل اعجابى بيها
وبالمنظر الساحرى الجميل اللى قصادى
وبسرعة بطلع الكاميرا (موبايل ماكنتش جبت الديجتال لسه)
وبسرعة بطلع الكاميرا (موبايل ماكنتش جبت الديجتال لسه)
وبسرعه بدوس عشان اخد اللقطة
.jpg)
حلوة اللقطة ..يا سلاااااااام ايه الجمال ده
ايه ده..مين ده,, طلع منين دة
ايه العيل ده وطلع منين
ولا ابوه كمان عايز ياخدلى كادر هو كمان
هى ايه الناس دى..ما بتصدق
الكاميرا تصور يجرى يقف قصادها!!عادة غريبة
لا وتحس ان الولد بيجرى منشكح ومبسوط كانه هاينزل فى الجورنال صفحة اولى مثلا
طيب وبعدين يعنى,, ارجع انا اسكندرية تانى عشان اصور
ولا استنى اليوم اللى بعده واصور تانى الغروب
المهم المنظر ده ماكنش ينفع ناس فيه باى حال من الاحول
وبعدين لما فتحت الصورة عندى على الكومبيوتر طبعا اتعكننت فى الاول
لان بصراحة المشهد مش عايز حد لطيف ظريف يجرى قصادك وانت بتصور
قولت مش مشكلة,, وطبعا على طول فتحت الفوتوشوب (منقذى)
افتح الصورة ..هات التول.. شيل العيل.. شيل ابوه
اضحك الصورة طلعت حلوة
والله كويسة مش بطالة
صورة عدلة اهى ولا انتوا ايه رأيكم مش الفوتوشوب ينفع برضه ;)
* اللقطة من اسكندرية صيف 2006
16 comments:
صورة جميلة طبعا يا أجمد مصورة فى قسم صحافة 2007
هو فعلا الناس اللى بتجرى فى الصور ده بايخة أوى أنا أصلى مجرباهم برده، دايما يبوظولى الصور، بس أنا بقى مشكلتى إنى ولا عندى كاميرا ديجيدل ولا موبايل بكاميرا يعنى لسة التصوير البدائى بتاع زمان ده وبالتالى ما بعرفش أصلح الصور وبفضل متعكننة، ادعيلى أشترى كاميرا قريب
فرحانة أوى إنى شفتك النهاردة أنت وأميرة، عاوزة أشوفكم كلكم بس مش صدفة.. ماشى
:D
طبعاً يا دينا معاكي حق دي فايدة كبيرة
وبما اني من عاشقي البحر والغروب ومن محبي التصوير والحمد لله ليا معرفه لا بأس بها في استخدام الفتوشوب
فعارف قيمة اللقطة اللي بتتاخد وخصوصاً اني مش بيتوافر معايا علي طول كاميرا
ودا اللي كان بيحصل للاسف في سفرياتي اللي بيكون في وقت اني اصور فيه حاجة يبقي مفيش كاميرا
انما عاداتاً هو كان بينفعني كتير في الصور اللي بتطلع مضلمة نتيجة ان الكاميرا علي اد حالها والاضائة مش كويسة
الحمد لله الفتوشف حل الموضوع دا الا حد ما والا كان والواحد جراله حاجة
حلوة الصورة يا دينا من الصور اللي الواحد يفضل باصص ليها وبعدها يتمني يكون في المكان والزمان اللي اتلقطت فيه ويعيش الحالة الكونية دي
وهناك الواحد هيحتاج الفتوشوب برضة زي ما شال الولد دا وابوه من الصورة هيحتاج يشلهم من الواقععشان يحظي بالهدوء وهو مع الطبيعه
البوست ظريف وليت اوي يا دينا :)
ايه يادينا في ايه مالك ومال الراجل وابنه حرام عليكي ولا علشان هما مش عارفينك ولا عارفين انك هتشرديهم كده تكتبي براحتك
ثم انا مش كنت معاكي في الرحله دي
مش كنتي خاديني صورتين تلاته كده وقت الغروب
ههههههههههههههههههههههه
والنبي كنت هبقى عسل صح؟
اوعي تقولي غير صح
سيبي الشعب يتصور ويعيش
بس بصي احيانا الواحد بيتخنق لما يكون عايز يصور حاجه وحد يطلعله من تحت الارض كده بصي
بعد كده لو عندك حاجه عايزة تصوريها وحد وواقف في الكدر صوتي وقولي الحقوني الحقوني بيعكاسني
هتقوم الناس ماتلميه وشايله
ساعتها بقى صوري براحتك ماهو الناس هتروح الخناقه صوري الشعب المصري بيحب يجامل ومافيش مانع برضه لو صورتيلك الخناقه صورتين تلاته
:D
edaaah, el wad w aboh e5tafo tamaman, wala lehom asaaar :D To7faaa el sora ya Dina w fe3lan ente mosawera gamdaaaa gedaaan 100 100 :)
Thanks to...the photoshop :P
بجد بسم الله ماشاء الله
صورة قوية جدا ....
ايه الروعه دى والاحتراف ده انتى عليكى حبة صور ملهومش حل بسم الله ماشاء الله عليكى لا وايه الواد وابوه طارو كانك مسحتيهم باستيكه وانا بعانى من الموضوع ده مره بتصور انا ومحمد بركات بتاع الاهلى ولاقيتلك واحد جه وقف ورايا انا وبركات وطلع فى الصوره طيب هو كده استفاد ايه متفهميش والصوره بكاميرا ديجيتال يعنى مش موبايل وهياخد الصوره بالبلوتوث مثلا
لا بس استاذه يا دينا
طب ياريت بقى كنتى تعلمينا احنا كمان نعمل كده ازاى بالفوتو شوب معلش بقى اصلى على قدى خالص فى الفوتو شوب
أنا برده متخصص تزوير :)
هههههههههههههههههههههههههههههههههههههههههههههههههههههه
جامدة جدا
أنا فعلا بتخنق من الناس السئيلة دي اللي بتفسد المناظر
اية الجمال دة
كمان فوتوشوب :)
تعليمى جاب فايدة اهو :P
بصى يا دندون مش هاتكلم فى عدستك الطبيعية، أنا هاتكلم فى حاجة تانية اللى هى حبك للتصوير، بغض النظر عن الموهبة أو لأ (و واللهى ماتفهمينيش غلط لإنك موهوبة فعلا) بس حبك للتصوير من أكتر الحاجات المميزة فيكى، و عشان انتى عايزة ففعلا هاتبقى حاجة فالمجال ده. و انتى اللى خلتينى أحس بجمال التصوير و أد إيه بتبقى منفصلة عن العالم و انتى بتبصى من الكاميرا.....
استمرى و دوسى أكتر فالفوتوشوف و إن شاء الله هنشير إليكى بالبنان(;
أنا من أشد المحبين للطبيعة والمناظر الطبيعية وخاصة ما يتعلق منها بالبحر والغروب، بس سبحان الله تصدقي أن الصورة اللي طالع فيها الواد عجبتني !! حسيت إن فيها تعبير عن السعادة والمرح وامتزاج البشر بالطبيعة وحاجات أنا مش فاهمها أساسا :) بس بجد الصورة بالواد عاجباني، لو كان ابوه طالع كله كانت حتبقى أحسن، عشان كدة أنا شايف أن الأب هوه لوحده اللي يتشال
عامة، الصورة بجد يا دينا تحفة، بجد بجد متفرقش إطلاقا عن الصور الطبيعية الاحترافية
:):)
بوست مفيد اوى
بس بصراحه زى العسل اوى اوى اوى
:):)
يال بقى قومى بواجب الصداقه معايا وعلمينى فوتو شوب لحسن انا عندى من الصور دى كتييييييير
:) جميله اوى يا دينا البوست
الى الامام دائما
اه رجعت عشان اقولك حاجه
الصوره رووووووووووووووووووووووووووعه
بالولد ومن ونص بابا ومن غيرهم خالص بردو التنين حلوين
بس الفوتو شوب عامل الواجب طبعا
شيماء:
ميرسى يا شوشو..وانا كمان وان شاء الله نتقابل مش صدفة ;)
محمد:
ربنا يكرمك يا محمد..الصورة دى اقل حاجة عندى :D
مروة:
صحيح ما كنت صورتك انتى اسهل بدل اللفة دى..مش محتاجة اعمل كل اللى بتقولى عليه ممكن اقله عن اذنك لو سمحت بس خلاص
Salma:
Thank you ya gamel, enty el gamda gedan:)
momo:
ميرسى يا فندم,
عمرو الببلاوى:
ربنا يكرمك يا باشا, انت بس ابعتلى الصورة واظبطهالك ما تقلقش ;)
حزين:
خلاص اوك..ممكن انزل بوست اقول ازاى الناس تعمل الحركة دى,, دى سهلة جدا..
علاء:
بس يا علاء ده مش تزوير, ده حفاظ على الحقوق الفكرية للصورة اول ما جت فى بالى هما بقى اللى بوظوا الصورة الاصليه فا انا ظبطتها تانى زى منا عايزة,, اختصاصى فى الفوتوشوب مش جامد بس حاجات بسيطة جداا زى الصورة دى
عمرو فهمى:
انا مش بتخنق انا بتجنن بس
spinner:
ايه ده,, يا الف نهار ابيض يا الف نهار مبروك الكينج جالى المدونة مرة واحدة مش مصدقة
طبعا يا فندم دىة من اقل الحاجات اللى حضرتك علمتهالى ..قال يعنى
salma:
ربنا يخليكى ليا يا سلمى شهادة والله اعتز بيها ومش من اى حد, حد برضه فنان وليه عين صحفية جامدة
Ayman:
يا فندم اتفضل الصورة بالعيل ومن غيرة, احنا منقدرش نحرمك من حاجة ابدا
بس انا بصر احة كنت عايزة اصورها من غير الولد..بس هو جيه عنوة على الصورة
هدى:
ميرسى يا هدهد يا جميل على الكلام الرقيق ده
مش عارفة اروح من كلامك فين..يابنتى كلامك بيخلى وشى يحمر..ايه ده
ربنا يخليكى ليا:)
Post a Comment