طيب وبعدين
لا ده انا بكلم نفسى
بقول لنفسى طيب وبعدين مش هانخلص بقى من الموال ده
عادى يا جماعة الواحد بيجيله وقت محتاج يكلم نفسه
يعنى انت مثلا ما قعدتش مع نفسك قبل كده وكلمتها
وكان عندك حوار (اى حوااار قديم) وطوّل معاك اوى
وبدأ يسخّف وسيرته اصلا تبقى ملهاش لازمة
وبقى زى النكتة البايخة ومفيش فايدة اصلا من ذكره
وجيت قولت لنفسك طيب وبعديييييييين
وطبعا الحوار ده هو كله على بعضه سيرة نكد
مفيش اى جديد بيحصل فيه لانه اتقفل من زمان
بس تقول ايه بقى النفس البشرية وعشقها الابدى للنكد
ماهو انت لو ملقتش حاجة تنكد عليك تفتكر الموضوع ده
والعكس صحيح لو لاقيت حاجة نكد تلقائى جدا تفتكره
طيب وليه السيرة ال ... ولا بلاش
وبرضه مصمم انك تفكر فى الموضوع وان حتى يخطر ببالك للحظة واحدة
وتتكلم فيه تانى مع اى حد يفتحه معاك ده غير انك ما بتصدق اصلا
حد يتكلم فى موضوع مشابه وتبدا انت ترمى كل اللى عندك
وكانك ما صدقت حنفية واتفتحت
وتعيد وتزيد وتجيب من الشرق والغرب
عشان تكلّم عن نفس ام الموضوع ده
عارفة هاتعمل زيى وهتاخد وعد على نفسك انك ماتكلمش فيه تانى خالص
وبعدين تقعد فترة هى مش طويلة بس بالنسبالك طويلة جدا
عشان انت اصلا دماغك شغاله فيه حتى لو مش بإرادتك
وتعمل نفسك بقى خلاص نسيت وقفلت الحوار نهائى
ولو حد سئلك تبتسم ابتسامة ثقة كده معناها ولا على بالى ؟
بس على مين ده انت اصلا وانت ماشى بتتكلم مع نفسك فيه
طيب وبعدين يعنى
لا بجد يعنى مش هاينفع كده
ماتشترى دماغك وتنجز فى الحوار
عادى وخد وعد مع نفسك انك متفكرش فيه تانى
وماتتكلمش عنه مع اى حد
ومتحاولش تعمل الحركات اللى انا بعملها دى
اللى هو سيرة ايه وبتاع ايه
يا عم انا اصلا نسيييت
واول ما تقعد لوحدك تفتكر تانى
لا ... انا بقولك اهو عشان ابقى بريت ذمتى منك
هاتقولى طيب ما انتى بتعملى نفس الحركات
هقولك ما انا بعاتب نفسى اهو وبقولها طيب وبعدين
وكتبت البوست ده مخصوص عشان ماتكلمش فى الحوار ده تانى
ومانكدش على نفسى تانى
مش هافكر ولا افتح السيرة دى خاااالص .... وانا يا السيرة دى بقى
مش هافتحها تااااانى
حرمت خلاااااااااااااااااااااااااص
وطبعا هاتسئلنى طيب ايه الحوار ده
وهاضطر انى افتحه تانى واحكيهولك
عامة هاتكون دى اخر مرة اتكلم فيه
سامعاك على فكرة
بس ماتقولش تلاكيك
ده مجرد لرفع اللبس والغموض عن القراء
دايما الموضوع اللى شاغلنى هو ارتفاع الاسعار مش عارفة ابطل تفكير فيه :D
لا ده انا بكلم نفسى
بقول لنفسى طيب وبعدين مش هانخلص بقى من الموال ده
عادى يا جماعة الواحد بيجيله وقت محتاج يكلم نفسه
يعنى انت مثلا ما قعدتش مع نفسك قبل كده وكلمتها
وكان عندك حوار (اى حوااار قديم) وطوّل معاك اوى
وبدأ يسخّف وسيرته اصلا تبقى ملهاش لازمة
وبقى زى النكتة البايخة ومفيش فايدة اصلا من ذكره
وجيت قولت لنفسك طيب وبعديييييييين
وطبعا الحوار ده هو كله على بعضه سيرة نكد
مفيش اى جديد بيحصل فيه لانه اتقفل من زمان
بس تقول ايه بقى النفس البشرية وعشقها الابدى للنكد
ماهو انت لو ملقتش حاجة تنكد عليك تفتكر الموضوع ده
والعكس صحيح لو لاقيت حاجة نكد تلقائى جدا تفتكره
طيب وليه السيرة ال ... ولا بلاش
وبرضه مصمم انك تفكر فى الموضوع وان حتى يخطر ببالك للحظة واحدة
وتتكلم فيه تانى مع اى حد يفتحه معاك ده غير انك ما بتصدق اصلا
حد يتكلم فى موضوع مشابه وتبدا انت ترمى كل اللى عندك
وكانك ما صدقت حنفية واتفتحت
وتعيد وتزيد وتجيب من الشرق والغرب
عشان تكلّم عن نفس ام الموضوع ده
عارفة هاتعمل زيى وهتاخد وعد على نفسك انك ماتكلمش فيه تانى خالص
وبعدين تقعد فترة هى مش طويلة بس بالنسبالك طويلة جدا
عشان انت اصلا دماغك شغاله فيه حتى لو مش بإرادتك
وتعمل نفسك بقى خلاص نسيت وقفلت الحوار نهائى
ولو حد سئلك تبتسم ابتسامة ثقة كده معناها ولا على بالى ؟
بس على مين ده انت اصلا وانت ماشى بتتكلم مع نفسك فيه
طيب وبعدين يعنى
لا بجد يعنى مش هاينفع كده
ماتشترى دماغك وتنجز فى الحوار
عادى وخد وعد مع نفسك انك متفكرش فيه تانى
وماتتكلمش عنه مع اى حد
ومتحاولش تعمل الحركات اللى انا بعملها دى
اللى هو سيرة ايه وبتاع ايه
يا عم انا اصلا نسيييت
واول ما تقعد لوحدك تفتكر تانى
لا ... انا بقولك اهو عشان ابقى بريت ذمتى منك
هاتقولى طيب ما انتى بتعملى نفس الحركات
هقولك ما انا بعاتب نفسى اهو وبقولها طيب وبعدين
وكتبت البوست ده مخصوص عشان ماتكلمش فى الحوار ده تانى
ومانكدش على نفسى تانى
مش هافكر ولا افتح السيرة دى خاااالص .... وانا يا السيرة دى بقى
مش هافتحها تااااانى
حرمت خلاااااااااااااااااااااااااص
وطبعا هاتسئلنى طيب ايه الحوار ده
وهاضطر انى افتحه تانى واحكيهولك
عامة هاتكون دى اخر مرة اتكلم فيه
سامعاك على فكرة
بس ماتقولش تلاكيك
ده مجرد لرفع اللبس والغموض عن القراء
دايما الموضوع اللى شاغلنى هو ارتفاع الاسعار مش عارفة ابطل تفكير فيه :D
13 comments:
cool
mawdo3 gamed ya bint el eh inti :)
we nice work ;)
we bisara7a nseet a2olak ya dina inti el 7aga el wa7eda elli bt7'alini ab2a mabsoot we ana ba2ra 7ata law kont miday2
thx for being here in life :)
الموضوع جميل جدااااا جداااااا وانا متفق معاكى يمكن احنا شعب دمه خفيف وكده بس اكيد شعب نكدى برضه بنحب النكد ومنقدرش نعيش من غيره بس الموضوع حلو ولذيذ وعلى فكره انتى مش هتنسى الموضوع ده وهتفضلى طول عمرك تقولى طيب وبعدين
ماهو يا إما الاسعار تقل يا إما مش هنخلص و هتفضلى تتكلمى فى الحوار ده.
وعلى العموم و دى جديدة لسه فاكراها حالا، انا كل ما بتكلم فى موضوع أذلى ما و بكون ناوية اقفله فأنا بتكلم فيه عشان كنت كاتمة حاجات كتير اوى و عشان اطلع من كلامى مبرر لإغلاقه
بس انتى طبعا عارفة رأيى فى البوست مسبقا فمش حوار يعنى انى اقوله تانى خلصنا .
انا مرة كلمت نفسي
و قلتلها مش ناوية تعقلي بأه
قامت ضربتني بالقلم
و قالتلي انتا بتقول عليا مجنونة
قلتلها لا العفو
انا اللي مجنون
قالتلي ايوة كده اعقل
و صحيت من النوم بعد كده
:)
الشعب المصري احسن شعب يعرف يطلع من النكد
في وسط الظلم و القهر بنطلع نكت
و شعارنا لل للنكد
نعم لاي حاجة تانية
حتى مبارك
:)
تحياتي
هههههههههههههههه
دينا عسسسسسسسسسسسسسسسسسسسسسسل ،
أنا على فكرة بكلم نفسى علطول ولو
بطلت أكلمها ممكن أتجنن_ده على اعتبار ان ده مش جنان اصلا_
بس والله برتاح
هو صحيح فى مواضيع كده بنقعد نعيد ونزيد فيها _بس مش الاسعار على فكرة_
وأخر مره جيت أكلمها فى نفس الحوار قالتلى :
بقلك أيه بقى أرحمينى ربنا يرحمك بجد أنا زهقت منك انا حفظت كل اللى هتقوليه وياريت توفريه ليكى ،
...
ذهلت بصراحه من الطريقة قليلة الذوق اللى اتعملت بيها معايا ... خصمتها
ومافيش كام يوم لقيتها هى جايه لحد عندى تعتذر وتقولى انا مخنوقه وعاوزه اقولك نفس الكلمتين اللى احنا حفظينهم :)
معلش بقى مش انا اللى طولت المره دى نفسى يا ديرووووو أعذريها أصلها تعبانه حيه اليومين دول
بوست روووووعه يا ديرو
أحيانا الإنسان بيحب فعلاينكد على نفسه ويفتكر حاجات ..وأحيانا ثانية المواقف بتفكره
بس دايما بيفضل الشئ في ذاكرته بيفتكره بأقل حاجات يمكن لانه عايز يعيش فيهتاني ..ويمكن لانه بيندم علىقرار أو موقف كان لازم ياخدهتاجه الشئ ده
ahmed:
merci ya ahmed, w bgd a7'galtom tawado3na :$
tyb 7'alas kol lama tela2y nafsak meday2 ta3aly el blog 3andy hataged ma yasorak :D
thnx again for your kindness
عمرو الببلاوى:
مبسوطة ان عجبك الموضوع وخصوصا انك قربت تكره نفسك من البوستات اللى كانت تتسم بالنكد
وعلى فكرة مش شعب نكدى ولا حجاة ده احنا استاذة صنع الضحك فى احلك المواقف
والله يا عمرو علمى علمك هافضل اقول طيب وبعدين كتير ولا ايه
سلمى:
مش عارفة يا سلمى مش لو كانوا قللوا الاسعار ونزلوا الدعم
كان هايبقى احسن بدل منا مش مشغولة كده على طول وعمال اقول طيب وبعدين امتى ااسعار هاتقل امتى الاسعار هاتقل حاجه غريبة والله :D
علاء:
ايه ده انت كمان كلمت نفسك
بس ايه ده نفسك واخده عليك اوى
عادى يعنى فيها ايه لما تقولها اعقلى بقى بس واضح انها شخصيتها قوية:D
والشعب بيقول نعم عل اى حاجه بس هو لوحده بياخد فوق دماغه:D
سعيدة بتعليقك وبزيارتك
هدى:
لا لا لا لا
مالها يابنتى نفسك كل ده حوار يدور بينك وبينها وانا معرفش
لا انتى بس قوليلى بتلكم امتى وانا اجى احكى معاكى وابقى اجيب نفسى معايا بالمرة ونبقى احنا الاربعه ومحدش خامسنا
ميرسى يا دودو وقلى لنفسك اهلا بيها فى اى وقت
علا:
هو بيبقى عايز يعيش فيها تانى ماشى بس كده او كده مش هايعشها يتعب نفسه ليه بقى وينكد على نفسه ليه
وكمان ما فيش حاجة تستاهل الندم كل شئ ممكن تعمليه وتبدئى من جديد ايا كان الموقف
نورتى يا علا
ههههههه، موضوع جامد كما عهدتك يا دينا، على فكرة انا عندي مشكلة اني بتكلم مع نفسي، ساعات ببقى ماشي في الشارع وافكر في حاجه بصوت مسموع شوية وبعدين ابص الاقي الناس بتبصلي فاكتم على طول ليفتكروني مجنون:) عامة من حلاوة الموضوع الصورة اللي انتي حطاها، لذيذه جدا:)
اجمد حاجة اني متخيلك وانتي بتتكلمي
:D:D:D:D
فكره جمده واسلوب كويس ف العرض ما شاء الله
Post a Comment